Աշխարհի լավագույն 50 նախաճաշերը

1. Տիպիկ անգլիական նախաճաշ

Նախաճաշում լինում է լոբի, նրբերշիկ, բեկոն, ձու, սունկ և կարմրացրած հաց: Անշուշտ, այս ամենին կհաջորդի մեկ բաժակ թեյը և սև պուդինգը:

2. Նախաճաշը Իրանում

Այն սովորաբար ընդգրկում է նաան հաց կարագի և ջեմի հետ: Իրանցիները նախաճաշին հաճախ ուտում են նաև հալիմ: Հալիմը ցորենի, դարչինի, կարագի և շաքարի խառնուրդ է, որը եփվում է ծեծված մսի հետ՝ մեծ կարասներում: Այն ուտում են տաք կամ սառը: Իրանցիները ունեն նաև ձվածեղի սեփական տարբերակը:

3. Կուբայի նախաճաշ

Կուբայի նախաճաշը սովորաբար ընդգրկում է քաղցր սուրճ կաթի կամ մի պտղունց աղի հետ: Կուբային հատուկ հացը կարմրացնում են, վրան քսում կարագ և կտրտում երկարությամբ՝ սուրճի մեջ թաթախելու համար:

4. Լեհական նախաճաշ

Ավանդական լեհական նախաճաշը ընդգրկում է հարած ձու, որը ծածկված է տնային պայմաններում պատրաստված  երշիկի և կարտոֆիլի յուղաբլիթների կտորներով: Ավանդական լեհական այս նախաճաշը անվանվում է ժաժեկզնիկա:

5. Իսպանական արագ նախաճաշ

Իսպանական արագ նախաճաշ «Պան ա լա կատալանա»-ն կամ «պան ա լա տոմատե»-ն շատ պարզ, բայց համեղ իսպանական նախաճաշ է: Պարզապես տրորեք հացը թարմ սխտորի և մեծ քանակով հասած լոլիկի հետ, ապա ավելացրեք ձեթ և աղ: Որպես հավելում, իսպանացիներն ավելացնում են նաև պանիր կամ նրբերշիկ:

6. Համեղ մարոկկոյան նախաճաշ

Սովորաբար ընդգրկում է տարբեր տեսակի հաց՝ չատնիի, պանրի, ջեմի կամ էլ կարագի հետ: Մարոկկոյում կա նաև շատ համեղ, փափուկ հաց, որը կտրտում են մեծ կտորներով և սպիտակաձավարից բլիթ, որն անվանում են «բաղիր»:

7. Հավայան նախաճաշ

Ինձ թվում էր, թե Հավայան կղզիներում պետք է ուտեն միայն մրգեր: Անշուշտ, կան նաև օղաբլիթներ, սակայն դրանց էներգիան նրանք ծախսում են մի քանի րոպեների ընթացքում:

8. Շվեդական նախաճաշ

Սովորաբար ընդգրկում է շվեդական բլիթը՝ պանկակորը: Այն բարակ, տափակ թխվածք է, որը պատրաստվում  է երկու կողմից կարմրացված խմորից, ինչպես՝ կրեպները: Շվեդական բլիթները մատուցվում են մրգային օշարակի հետ: 

9. Իսլանդական նախաճաշ

Իսլանդական նախաճաշը, որը տաք և ջերմացնող է, ամենալավ միջոցներից մեկն է խավար և ցուրտ առավոտների դեմ: Շագանակագույն շաքարով համեմված վարսակի շիլան՝ ընկույզի մի քանի հատիկներով, պարզապես հրաշալի է:

10. Նախաճաշը Պորտուգալիայում

Նախաճաշը կազմված է համեղ և հեշտ պատրաստվող լցոնված կրուասաններից մեծ քանակությամբ սուրճի հետ, որոնք մատուցվում են արևի տակ:

11. Նախաճաշն Ավստրալիայում

Այստեղ միայն մի բաղադրամասն է որոշիչը՝ «Վեջեմիթը»: Ավստրալիա ճանապարհորդողների պայուսակում հաճախ կարելի է գտնել փակ տարա՝ լցված կպչուն շագանակագույն մասսայով: Դա հենց Ավստրալիայի ավանդական «Վեջեմիթն» է:

12. Բրազիլական նախաճաշ

Մմմ... Մսի, պանրի և հացի համեղ ընտրանին Բրազիլիայի սովորական նախաճաշի մի մասն է կազմում: Հաճախ հանդիպում են նաև վարդանման կտրված զարդարանքներ, որոնք չգիտես թե ինչից են պատրաստվել:

13. Իտալական նախաճաշ

Իտալացիների մոտ ծանր նախաճաշը անիրական է: Նրանք երևի թե խնայում են սեփական մարմինը ճաշին մի մեծ պանրով պիցցա կամ էլ ընթրիքին պեստո պաստա ուտելու համար: Սովորաբար իտալացիները նախաճաշին ուտում են կրուասաններ՝ մեկ բաժակ կապուչինոյի հետ:

14. Նախաճաշը Ուելսում

Միայն ի՞նձ  է թվում, թե նկարի պանրով հացի վրա ժպիտ կա: Կարմրացված հացը պանրի հետ իրականում անչափ համեղ նախաճաշ է: Միայն հալված պանրի տեսքը բավական է, որ ցանկություն առաջանա վրան ավելացնել ինչ-որ սոուս և ուտել: Բայց առջևում դեռ 36 նախաճաշ կա, պետք է սպասել...

15. Նախաճաշը Դանիայում

Այստեղ նախաճաշը լավագույններից մեկն է: Դանիական նախաճաշի ափսեում դուք հաճախ կգտնեք հաց, պանիր, սալյամի, խոզապուխտ, պաշտետ, մեղր, ջեմ և նույնիսկ շոկոլադ: Իհարկե զարմանալի է, բայց բեկոնը Դանիայում տարածված չէ: Ինչպե՞ս կարող էր այդպես լինել... Երևի թե ամբողջ բեկոնը Դանիայից ուղարկում են Անգլիա:

16. Ֆիլիպինյան նախաճաշ

Հիմնականում կազմված է տեղական մրգերից, օրինակ՝ մանգոյից: Բացի այդ ուտում են նաև բրինձ՝ փոքր նրբերշիկների հետ, որոնք հայտնի են «լոնգանիսա» անունով (դուք դրանք կարող եք տեսնել նկարում): Այդ նրբերշիկները, տապակված սխտորի և աղի հետ, հայտնի են «սինանգագ» անվանումով: Սինանգագը ուտում են ձվի, մսի և լոբու հետ:

17. Նախաճաշը Ալյասկայում

Հագեցած է եղջերվի մսով և ձվով, որը ուտում են բլիթների հետ: 

18. Ավանդական գերմանական նախաճաշ

Երշիկը, տեղական պանիրը և նոր թխված հացը սովորական են գերմանական նախաճաշի համար: Այս ամենից հետո գերմանացիները սովորաբար խմում են սուրճ: 

19. Ամերիկյան նախաճաշ

Ամերիկյան նախաճաշը ընդգրկում է տանը պատրաստված բարակ բլիթներ՝ օշարակի և հապալասների հետ, ինչպես նաև բեկոնի կտորներ:

20. Ֆրանսիական նախաճաշ

Կրուասան, կրուասան, ինչքան եմ ես սիրում կրուասան: Ավելացրու կրուասաններին ջարդած նուշ, կարագ, շոկոլադ կամ կրեմ, և դրանք ավելի հրաշալի համ կունենան:

21. Նախաճաշը Հնդկաստանում

Ռոզմարինով տապակած կարտոֆիլ, հնդկական ավանդական թխվածք (տոֆու), ոսպ, բուսական նրբերշիկ, բանանով կարմրացրած հաց: Հնդկաստանում խոհանոցը ամբողջությամբ տարբեր է՝ կախված շրջաններից:

22. Շոտլանդական նախաճաշ

Շատ նման է անգլիական և իռլանդական նախաճաշերին, սակայն կա մի բան, որը միայն Շոտլանդիայում կարելի է հանդիպել: Դա հեգիսն է յուղով տապակված ձվերի հետ: Պատկերացում չունե՞ք, թե ինչ է հեգիսը: Այն ոչխարի սրտով, լյարդով ու թոքերով պատրաստված ուտեստ է, համեմված սխտորով, վարսակով, տարբեր համեմունքներով, աղով և ճարպով...

23. Թայլանդական նախաճաշ

Այս ճաշատեսակը դուք կհանդիպեք ամբողջ Թայլանդում: Այն իրենից ներկայացնում է կծու ձուկ կծու և քաղցր խոզի մսի հետ, որը մատուցվում է բրնձի հետ: Չնայած նկարագրությանը՝ այն շատ համեղ է և շատ էժան: Թայլանդական նախաճաշի կազմությունը այդքան էլ չի տարբերվում ճաշին և ընթրիքին ուտվող սննդից:

24. Արգենտինական նախաճաշ

Սովորաբար կազմված է «մատե»-ից (խմիչք, որը պատրաստվում է հատուկ բույսի տերևներից), դուլսը դե լեչեից՝ կրուասանին նմանվող թխվածքի հետ:

25. Իռլանդական նախաճաշ

Մենք արդեն խոսեցին անգլիական և շոտլանդական նախաճաշերի մասին, հիմա հերթը իռլանդականինն է: Այն իրենից ներկայացնում է սպիտակ պուդինգ սոդայով հացի հետ:

26. Կանադական նախաճաշ

Նկարում պատկերված ձվին նմանվող ուտեստը իրականում կարկանդակներ են, որոնք թխվում են և տապակվում, պատրաստված են չհասունացած խմորից, լցոնված՝ կարտոֆիլով, թթու կաղամբով, աղացած մսով, պանրով կամ էլ մրգերով: Այս կարկանդակների հետ սովորաբար մատուցում են նաև նրբերշիկ և կարմրացված հաց:

27. Նախաճաշը Մեքսիկայում

Այս հրաշալի նախաճաշը կազմված է տավարի մսից, չիլակիլեսից և այլ ավանդական կերակրատեսակներից: Նաչոսը, պանիրը և լոբին միշտ ուղեկցում են նախաճաշը և դարձնում այն ավելի համեղ:

28. Ռուսական նախաճաշ

Նրբաբլիթները ռուսական նախաճաշի մի մասն են կազմում: Նրանք տաք են, ներսում փափուկ, իսկ եզրերը խրթխրթան են: Այն սովորաբար ուտում են թթվասերի, ջեմի կամ թարմ հատապտղի հետ:

29. Նախաճաշը Վիետնամում

Սովորաբար կազմված է վարսակի կամ սպիտակաձավարի շիլայից՝ մսի կտորներով: Նկարում պատկերվածը խոզի մսով շիլան է: Այն պարունակում է սոյա, խոզի աղիներ՝ լցոնված խոզի մսով, կտրտված խոզի սիրտ, ստամոքսի պատ և արյունից պուդինգներ: 

30. Նախաճաշը Պերուում

Սեվիչը տարածված է այստեղ՝ անկախ նրանից նախաճաշ է, ճաշ, թե՝ ընթրիք: Սեվիչը իրենից ներկայացնում է ծովամթերքներից պատրաստված ճաշատեսակ, որը կազմված է թարմ ձկից, որը մարինացվել է լիմոնի կամ լայմի հյութում և համեմվել չիլիով:

31. Նախաճաշը Բոլիվիայում

Սալտենաները կարծես լինեն մեքսիկական կարկանդակների և կորնուոլական կարկանդակների խառնուրդը: Դրանք Բոլիվիայի նախաճաշի ավանդական մասն են կազմում, սովորաբար լցոնված են մսով և բանջարեղենով և թեթևակի քաղցրացված շաքարով:

32. Եգիպտական նախաճաշ

Լավագույն նախաճաշերից մեկը այստեղ ֆուլ մադամասն է: Այն պատրաստված է բակլայից, ոսպից, սխտորից և կիտրոնից: Նկարում այդ ճաշատեսակը ուղեկցվում է ձիթապտղի ձեթով, կարմիր բիբարով, տահինի սոուսով, պինդ եփած ձվով և այլ կանաչ բանջարեղեններով: 

33. Նախաճաշը Ճապոնիայում

Դուք երբևէ չե՞ք ճաշակել տոֆու: Այն ձկան և բրնձի պես շատ տարածված է Ճապոնիայում: Թաթախեք այն սոյայի սոուսում, և դուք կունենաք մի համեղ և առողջարար նախաճաշ:

34. Նախաճաշը Չինաստանում

Չինական նախաճաշը շատ նման է չինական ընթրիքին և ճաշին, միակ տարբերությունը լապշան է, բրինձը, ճտի միսը և տապակած բանջարեղենները:

35. Նախաճաշը Մալազիայում

Մի մեծ աման մեե՝ չինական լապշա, խառնած ձվի, բանջարեղենի և համեմունքների հետ:

36. Նախաճաշը Մոնղոլիայում

Սովորաբար այն կազմված է գառան մսից, որը եփվել է շատ ճարպի և ալյուրի հետ: Արևմտյան Մոնղոլիայում մարդիկ հաճախ բազմազանության համար օգտագործում են նաև ձիու միս:

37. Նախաճաշը Բելիզում

Տապակած ջեքսը Բելիզում հիմնական նախաճաշն է: Այն իրենից ներկայացնում է լավ տապակած խմորի կտորներ, որոնք հաճախ մատուցվում են լոբու, ձվի կամ էլ մեղրի հետ:

38. Հունգարական նախաճաշ

Համարյա միշտ կազմված է պոգասկայից: Տարվա ընթացքում կան այս ճաշատեսակին նվիրված տարբեր տոներ: Դրա պատրաստման ձևը փոխվում է կախված շրջաններից:

39. Կորեական նախաճաշ

Կորեայում նախաճաշը նման է ճաշին և ընթրիքին: Ձեզ կմատուցեն մի փոքր ափսե կիմչի, եփած բրինձ և եփած բանջարեղենի ապուր: Առողջարար և հին հաց հիշեցնող այս կարմրացված հացը նույնպես լավ ընտրություն է, բայց նրանք իրականում այդքան գեղեցիկ չեն, ինչպես որ նկարում է պատկերված:

40. Նախաճաշը Պակիստանում

Պակիստանում նախաճաշին ձեզ կմատուցեն ալո պարաթա: Դա հնդկական տափակ հաց է, որը պատրաստվում է չհասունացած խմորից, տապակվում թավայի մեջ: Խմորը պարունակում է հնդկական սերուցքային կարագ: Հացին ավելացնում են տարբեր բանջարերեղեններ և ուտում կարագի, չատնիի կամ այլ սոուսների հետ: Այն նաև փաթաթում են, թաթախում թեյի մեջ և ուտում:

41. Էստոնական նախաճաշ

Հիմնականում կազմված է կարմրացրած հացից կաթնաշոռի հետ: Կաթնաշոռը կարող են փոխարինել նաև ռիկոտայով կամ թարմ պանրով:

42. Նախաճաշը Հորդանանում

Կախված տարածքից՝ նախաճաշը որոշակիորեն տարբերվում է: Լեբնեհը, հումմուսը և ֆալաֆելը տարածված ճաշատեսակներ են, որոնք շատ հաճախ մատուցվում են ձիթայուղի, գառան մսից պատրաստված նրբերշիկների, ջեմի, կարագի, հնդկահավի կամ էլ տավարի մսի հետ:

43. Նախաճաշը Վենեսուելլայում

Էմպանադաները այսօրվա պատվերն է: Փոքրիկ կարկանդակներ՝ լցոնված թարմ պանրով, աղացած մսով կամ էլ այլ բանջարեղենով:

44. Նախաճաշը Կոլումբիայում

Կունդինամարկիում նկարում պատկերված չանգուա ճաշատեսակը շատ տարածված է: Այն պատրաստված է կաթից, կանաչ սոխից և պանրից:

45. Նախաճաշը Գանայում

Այս աֆրիկական պետության մեջ ամենաճանաչված նախաճաշը վաակին է: Այն իրենից ներկայացնում է լոբու հետ եփված բրինձ և կարելի է ճաշակել Գանայի ցանկացած փողոցի վրա:

46. Նախաճաշը Ուգանդայում

Ինչպես բոլոր մեծ պետություններում, այնպես էլ Ուգանդայում, ավանդական ճաշատեսակները տարբերվում են կախված շրջաններից: Ուգանդայում ամենուրեք հայտնի ճաշատեսակը կատոգոն է, որն իրենից ներկայացնում է կանաչ բանաններ, որոնք պատրաստվել են տավարի եփած մսի և բանջարեղենի հետ: Նկարում՝ բանանը եփել են կովի օրգանների հետ:

47. Նախաճաշը Բահամայում

Այստեղ նախաճաշը անպայման պետք է պարունակի վարսակի ձավար: Վարսակը սովորաբար չորացնում են եգիպտացորենի հատիկների հետ: Բահամայում այս վարսակը եռացնում են, ստանում շիլա, որը տարածվել է դեռ ստրկության տարիներից: Այժմ այս շիլային ավելացնում են նաև մանր ծովախեցգետին կամ միս՝ այն մի քիչ ավելի համեղ դարձնելու համար:

48. Նախաճաշը Կոստա Ռիկայում

Գալլո պինտոն Կոստա Ռիկայում սովորական նախաճաշն է: Այն պատրաստում են սև լոբուց, բրնձից, թթվասերից, սալսայից և եգիպտացորենի բլիթիկներից: Այստեղ նախաճաշին ուտում են նաև ավոկադո, եփված ու տապակված ջլախոտ՝ սառը մսի հետ:

49. Նախաճաշը Դոմինիկյան Հանրապետությունում

Դուք այստեղ պետք է անպայման մանգու փորձեք: Այն պատրաստվում է քերված և եփված պլանտյան բանանից, կարագից, սալյամիից, պանրից և ձվից: Մանգուն ուտում են տաք շոկոլադի հետ:

50. Թուրքական նախաճաշ

Թուրքական նախաճաշը հիմնականում ընդգրկում է պանրի տարբեր տեսակներ, կարագ, ձիթապտուղ, ձու, լոլիկ, վարունգ, ջեմ, մեղր և համեմված միս:

Categories: Հետաքրքիր